ᐅᑭᐅᖅ ᑖᒻᓇ ᓄᓇᒧᓕᐊᖅᖢᑎᒃ ᐃᓕᓐᓂᐊᕐᓂᕆᔭᖓᑦ ᑯᕇᓯᑉ ᑕᓯᖓᓂᓯᐅᖅᑐᑦ, ᐃᒪᖄ 13 ᑭᓛᒥᑐᔅ ᐃᖃᓗᐃᑦ ᑲᓇᒃᓇᖓᓐᓂ (ᑕᒻᒪᕇᒃᑯᑎᒃᑯᑦ ᓇᓗᓇᐃᒃᑯᑕᓕᒃ 63°52.02’N by 68°29.65’W).

ᐆᒪᔪᓕᕆᔨᐅᓂᕐᒥᒃ ᐃᓕᓐᓂᐊᕐᓂᖅ Environmental Technology Program (ETP) ᐃᓕᓐᓂᐊᖅᑕᐅᔪᖅ ᓄᓇᕘᒻᒥ ᓯᓚᑦᑐᖅᓴᕐᕕᒃᑯᑦ ᐅᑭᐅᓂᒃ 20 ᐅᖓᑖᑦᓂ. ᐃᓕᓐᓂᐊᕐᕕᖕᒥ ᓄᓇᒥᓪᓗ ᐃᓕᓐᓂᐊᕈᑎᑦ ᐋᕿᒐᐅᓯᒪᔪᑦ ᐃᓕᓐᓂᐊᖅᑐᑦ ᖃᐅᔨᒪᓕᖁᑉᓗᒋᑦ ᐆᒪᔪᓕᕆᔨᐅᓂᕐᒥᒃ ᐱᓕᕆᐊᖃᓕᕈᒥᒃ ᒐᕙᒪᒃᑯᓐᓂ ᐊᓯᖏᓐᓂᓗ ᑎᒥᐅᔪᓐᓂ.

ᐃᓕᓐᓂᐊᕈᑕᐅᓗᐊᕐᓂᐊᖅᑐᖅ ᓯᕗᓪᓕᕐᒥ ᐅᑭᐅᒻᒥ ᓄᓇᒥ ᐃᓕᓐᓂᐊᕐᓗᓂ ᓱᓇᓂᒃ ᐊᑐᕆᐊᖃᕐᒪᖔᑦ ᐊᒻᒪ ᓄᓇᒥᒃ ᐃᓕᓐᓂᐊᒫᕐᓗᓂ ᐱᓕᕆᔪᖕᓇᕿᑎᐊᖁᑉᓗᒋᑦ ᐃᓕᓐᓂᐊᖅᑐᑦ ᑕᒪᕐᒥᒃ ᑲᐱᐊᓇᖏᑐᒥᓪᓗ ᐊᕙᑎᖃᕐᓗᑎᒃ ᐃᓕᓐᓂᐊᖅᑎᑕᐅᑎᐊᖁᑉᓗᒋᑦ.

ᓯᕗᓪᓕᕐᒥ ᐅᑭᐅᒻᒥ ᐃᓕᓐᓂᐊᕐᓂᐊᖅᑎᓪᓗᒋᑦ ᑕᒪᕐᒥᒃ ᐃᓕᓐᓂᐊᖅᑐᑦ ᐅᑭᐅᒃᑯᑦ ᐊᔪᕈᖕᓇᐃᖅᓴᓂᐊᖅᐳᑦ ᐊᒻᒪ ᖃᑉᓯᐅᓕᕐᓗᑎᒃ ᐱᓕᕆᔪᖕᓇᖅᓯᓂᓗᒡᓗᑎᒃ, ᐃᓄᐃᑦ ᐃᓕᖁᓯᖓᑦ ᐊᒻᒪ ᐅᑉᓗᒥᐅᓕᖅᑐᖅ ᐊᓐᓇᐅᒪᓂᖅ ᐊᑐᕐᓗᒍ, ᐱᐊᓚᓴᕐᓇᖅᑐᖃᓕᖅᐸᑦ ᐊᒃᖢᓈᓂᒃ ᐊᑐᔪᓴᓗᑎᒃ ᒪᔪᐊᔪᓴᓗᑎᒡᓗ, ᕿᓂᖅᑕᐅᔭᕆᐊᖃᓕᖅᐸᓪᓗ ᕿᓂᕐᓂᕐᒥᒃ ᐃᓕᓐᓂᐊᕐᓗᑎᒃ, ᓇᓐᓄᓄᑦ ᑎᑭᑕᐅᓇᔭᕈᒥᒃ ᖃᓄᐃᓕᐅᕆᐊᖃᕐᓂᕐᒥᒃ ᐃᓕᓐᓂᐊᖅᑎᑕᐅᓗᑎᒃ, ᐊᐳᒻᒧᑦ ᓴᐅᔭᐅᒍᒻᒥᒃ ᖃᓄᐃᓕᐅᕆᐊᖃᕐᓂᕐᒥᒃ ᐃᓕᓐᓂᐊᕐᓗᑎᒃ. ᐃᓕᓐᓂᐊᖅᑐᓪᓗ ᓯᓚᒥᒃ ᖃᐅᔨᒪᔭᕆᐊᖃᕐᓂᕐᒥᒃ ᐃᓕᓐᓂᐊᖅᑎᑕᐅᒻᒫᕐᓗᑎᒃ, ᐊᑦᓂᖅᑐᖃᕋᔭᕐᓂᖅᐸᓪᓗ ᖃᓄᐃᓕᐅᕐᓂᕐᒥᒃ, ᐊᒻᒪ ᐅᑉᓗᑕᒫᖅᓯᐅᑎᓂᒃ ᑎᑎᕋᖅᑕᕐᓂᕐᒥᒃ ᐃᓕᓐᓂᐊᕐᓗᑎᒃᑕᐅᖅ.

ᐅᑭᐅᑉ ᑐᒡᓕᐊᓂ ᓄᓇᒥ ᐃᓕᓐᓂᐊᓕᖅᐸᑕ, ᐃᓕᓐᓂᐊᖅᑐᑦ ᑕᒪᕐᒥᒃ ᖃᐅᔨᒪᔪᕐᔪᐊᑐᑦ ᐃᓕᑎᑕᐅᔪᒫᖅᑐᑦ.

ᓯᑯᑉ ᐃᑉᔪᓂᖓᓂᒃ ᖃᐅᔨᓴᖅᐸᒡᓗᑎᒃ, ᐊᐳᔭᕆᖕᓂᖓᓂᒡᓗ ᐊᒻᒪ ᖃᓄᖅ ᓯᑯᑉ ᖄᖓᓂᒃ ᑕᒪᓐᓇ ᖃᐅᔨᓴᕐᓂᖅ ᐱᒋᐊᓚᐅᖅᓯᒪᔪᖅ 2005ᒥ. ᐊᐳᑎᕋᓗᖕᓂᒃ ᖃᐅᔨᓴᖅᑕᕐᓗᑎᒡᓗ ᑕᓯᕐᒥᓯᐅᖅᑐᓂᒡᓗ ᖃᐅᔨᓴᖅᐸᒡᓗᑎᒃ. ᐊᒥᓲᔪᖅᑕᓂᒃ ᐃᑰᑕᓚᐅᖅᓯᒪᕗᑦ ᑕᐃᑉᓱᒪᓂ 90ᓂᒃ ᓯᑯᒃᑯᑦ ᐃᑰᑕᓚᐅᖅᓯᒪᖕᒪᑕ, ᐊᒻᒪ ᓄᓇᖑᐊᑯᑦ ᐱᖓᓲᓕᖓᑉᓗᒍ ᓴᓇᓚᐅᖅᓯᒪᑉᓗᑎᒃ ᑕᓯᐅᑉ ᖃᓄᐃᓐᓂᖓᓂᒃ.

ᐆᒪᔪᓕᕆᔨᐅᓂᕐᒥᒃ ᐃᓕᓐᓂᐊᕐᓂᖅ Environmental Technology Program (ETP) ᑕᑭᑎᒋᔪᖅ ᐅᑭᐅᖕᓂᒃ ᒪᕈᖕᓂᒃ ᐃᓕᓐᓂᐊᕐᕕᐅᑉ ᐃᓗᐊᓐᓂ ᐊᒻᒪ ᖃᐅᔨᓴᕐᕕᖕᒥ, ᓄᓇᒥᓯᐅᖅᑕᕐᓗᓂᓗ ᐃᓕᓐᓂᐊᖅᑐᑦ ᐊᔪᕈᖕᓇᐃᖁᑉᓗᒋᑦ ᐱᓕᕆᔪᖕᓇᖅᓯᓗᑎᒃ.

ᐆᒪᔪᓕᕆᔨᐅᓂᕐᒥᒃ ᐃᓕᓐᓂᐊᕐᓂᖅ ᖃᕆᑕᐅᔭᒃᑯᑦ ᒪᓕᒍᖕᓇᖅᐸᑦ Facebookᖑᓂᕋᒐᐅᔪᒃᑯᑦ!

ᖃᐅᔨᓴᕈᖕᓇᖅᓯᔭᑦ ᐆᒪᔪᓕᕆᔨᐅᓂᕐᒥᒃ ᐃᓕᓐᓂᐊᕐᓂᖅ ᕕᔅᐳᒃᑯᑦ Facebook at: http://www.facebook.com/EnvironmentalTechnologyProgram and on Twitter (@EnvirTechProg).

ᑐᑭᓯᒃᑲᓂᕈᐊᖅᐱᑦ ᐆᒪᔪᓕᕆᔨᐅᓂᕐᒥᒃ ᐃᓕᓐᓂᐊᕐᓂᕐᒥᒃ ᓄᓇᕘᒻᒥ ᐅᕗᖓᕐᓗᑎᑦ Environmental Technology?

ᑐᑭᓯᑲᓂᕈᐊᕐᓂᕈᕕᑦ ᐆᒃᑐᕈᐊᕐᓂᕈᕕᓪᓗ ᖃᐅᔨᑎᑦᓱᖕᓇᒃᑲᑦ ᔩᓴᓐ ᑳᐱᓐᑐ ᐅᖃᓘᑖ (867) 979- 7285 ᖃᕆᑕᐅᔭᒃᑯᑦ ᑎᑎᕋᕐᕕᒋᓗᒍᓘᓐᓃᑦ: This e-mail address is being protected from spambots. You need JavaScript enabled to view it